Inscripcion

Pa inscribi na AZV bo mester percura pa cumpli cu algun rekisito segun ley AZV. Bo mester ta:

  • Inscribi na Censo;
  • Biba na Aruba (residencia principal ta Aruba);
  • Dispone di un permiso valido.

E ta importante pa bo sa cerca cua dokter di cas, botica y dentista bo kier inscribi. Y pa e proceso di inscripcion bay mas lihe, e ta bon pa bo scoge un dokter di cas cu ta habri, esta cu tin luga pa tuma pashent nobo. Bo por wak cua dokter di cas tin luga, akinan riba nos website. Tras di e nomber di e dokternan di cas cu tin luga ta menciona ʾhabriʾ.

Scoge dokter di cas cu ta habri

Unabes bo a scoge cua dokter di cas bo ta desea, yena e formulario di inscripcion completo y manda esaki hunto cu un scan di bo ID (sea paspoort, cedula of rijbewijs) na klantenservice@uoazv.aw

Scoge un dokter di cas cu ta cera

Den caso cu bo toch kier inscribi na un dokter di cas cual ta cera (yen), e ora e ta nifica cu bo mes mester busca e aprobacion di e dokter di cas prome. Bo ta download y print e formulario di inscripcion di AZV pa bay cu esaki cerca e dokter di cas di bo interes. Si e dokter di cas por tuma bo, e lo mester firma y stempel e formulario pa bo. Bo ta finalisa na yena e formulario y manda esaki pa AZV hunto cu un scan di bo ID (sea paspoort, cedula of rijbewijs valido) na klantenservice@uoazv.aw Como cu nos ta traha directamente cu DIMAS, nos mes lo controla bo permiso.

Kico ta sosode?

Na momento cu nos ricibi bo peticion, nos ta procesa esaki. Bo lo haya un email cu e invitacion pa download e AZV app for di Google Play of Apple App Store pa bo digi-ZorgPas. Den e email lo bo ricibi un QR code y instruccion pa bo registra mas lihe pa bo digi-ZorgPas. Den bo digi-ZorgPas lo bo wak tur bo dunadonan di cuido. Door di activa e boton di notificacion, AZV lo por comunica directo cu bo.

Scroll To Top

Algemene Ziektekosten Verzekering