Algemene Ziektekosten Verzekering

Inscripcion

Awor con mi ta inscribi na AZV?

Tur  servicio di AZV ta sosode online, di dialuna pa diabierna di 7:30 te 16:00or.

Bo ta inscribi na AZV door di bay riba nos website y yena e formulario di inscripcion. Bo persona ta attach bo  identificacion valido sea cedula, paspoort of rijbewijs  hunto cu e formulario di inscripcion di Censo di Awg5.00 y por ultimo primi riba ‘Manda’. E peticion hunto cu tur documento ta wordo manda automaticamente na e Emailadres klantenservice@uoazv.aw cu ta e departamento di Administracion di Polisa y Servicio na cliente. Unabes e departamento ricibi bo documentonan, nan ta procesa e peticion mandabo un instruccion pa download e AZV App. E prueba di inscripcion na AZV ta bo digiZorgpas cual ta un caarchi digital. Bo por download e AZV app via Google store of App store den bo smartphone despues cu bo a inscribi cerca nos.

Inscripcion di un recien naci na AZV

Semper ta consehabel pa inscribi bo baby mas lihe cu ta posibel despues di su nacemento, tanto na Censo como na AZV. Pero den caso cu bo no logra mesora, e ora mester percura pa dentro di 30 dia desde e fecha di nacemento di bo baby. E ora e baby por wordo inscribi retroactivo; cuminsando for di e fecha di nacemento di e baby. Un di e mayornan of un apoderado ta inscribi e baby na AZV segun e procedura di ‘Inscripcion’ riba e pagina aki.

Pa inscripcion di e baby mester pone e siguiente documentonan hunto cu e formulario di inscripcion cu tin riba e website:
*  E acta di nacemento di e baby;
*  Identificacion valido di un di e mayornan.
*  Si ta trata di un baby reconoci door di e tata, mester entrega e acta di reconocimento y e identificacion di e tata.

• Si ta un apoderado e mester entrega un carta den cual e mayor ta apodera su persona huntu cu su identificacion valido.
• Si ta tocante di un baby cu permiso y e permiso ainda no a wordo duna, e baby ta bin na remarka pa inscribi na AZV pa un periodo solamente si e mayornan tin un permiso valido y si nan a entrega un peticion na Dimas pa un permiso pa nan baby; e ora ey e inscripcion ta wordo duna pa un periodo en espera di e inscripcion na Censo.
• Si bo baby keda di biaha interna den Dokter Horacio Oduber Hospital (kiermen di biaha despues di su nacemento), e proceso di inscripcion ta keda mescos.
• Si bo baby a nace den exterior durante di medische uitzending di e mama mester haci e peticion pa inscribi e baby mas pronto posibel asina cu regresa Aruba. E ora ey e inscripcion di e baby lo drenta na vigor desde fecha di nacemento.
  Tuma nota cu si ta trata di un baby cu permiso pa sigui e información aki riba tocante di baby cu permiso.

E mayor of apoderado ta ricibi e for di AZV informacion di e inscripción di e baby pa ingresa e baby den e AZV App.

Prolongacion di e Zorgpas
(kaarchi di AZV)

Manda copia di un identificacion (paspoort, cedula of rijbewijs valido) via e siguiente emailadres: klantenservice@uoazv.aw. Manda bo number di telefoon, pa si AZV tin cu tuma contacto cu bo persona.
Documento necesario pa yena ta riba e pagina aki

Prolongacion di e Zorgpas
(kaarchi di AZV) a base di permiso

Manda copia di un identificacion (paspoort, cedula of rijbewijs valido) via e siguiente emailadres: klantenservice@uoazv.aw. Manda bo number di telefoon, pa si AZV tin cu tuma contacto cu bo persona.
Documento necesario pa yena ta riba e pagina aki