Algemene Ziektekosten Verzekering (AZV)

Desde december 2019 nos a introduci e AZV app cu tin e digi-ZorgPas. E digi-ZorgPas ta e carchi digitalisa. Si bo tin un smartphone bo por download e AZV app for di Google Play of Apple App Store. Asina lo bo tin e AZV app y di biaha tambe bo comprobante cu bo ta sigura na AZV ya cu den e AZV app lo bo por wak bo potret y datonan. Si bo ta desea pa nos yuda bo cu e AZV app, bo ta email un scan di bo ID (sea paspoort, cedula of rijbewijs valido) na nos email [email protected] Tambe bo lo por pasa personalmente na nos oficina di dialuna pa diabierna di 7:30am – 4:00pm pa nos yuda bo.

Manera cu bo baby ta inscribi na Censo, abo como mayor ta bay riba e website aki mes den e balki fuchsia di e homepage ful ariba cu yama “Formulario” y bo ta scoge pa yena e formulario di inscripcion di recien naci. Yena tur pregunta di e formulario digital aki completamente, añadi e scan di bo ID (sea paspoort, cedula of rijbewijs valido) y un potret di bo baby. Si tur cos ta corecto (ta bon yena) nos lo procesa e peticion di inscripcion y lo bo ricibi un email di instruccion for di nos.

Cambio di dokter di cas por dos biaha pa aña den luna di maart y september. E procedura ta como lo siguiente:

• Acerca (bay un dokter di cas di bo escogencia;
• pidi si por bira pashent;
• si dokter duna aprobacion, abo ta yena y firma e formulario di cambio na oficina di e dokter mes;
• dokter tambe ta firma y stempel e formulario;
• e doktersassistent ta manda esaki pa AZV via [email protected] ;
• AZV ta procesa esaki y bo persona por wak bo dokter di cas nobo via di bo AZV APP (den caso cu no tin e AZV app, por download esaki via Google Play of Apple App Store).

Un cambio di botica ta wordo acepta solamente si e peticion drenta den luna di april y october. Tur peticion pa un cambio di botica den otro luna (es decir cu no ta den april of october) ta nifica cu bo persona lo mester añadi un motivacion y manda esaki pa nos evalua na [email protected]

E peticion pa cambio di botica ta posibel na tres manera:

1. Sea bo ta scoge pa haci bo peticion directo via e AZV app (via ʾMenuʾ → scoge ʾDunadonan di Cuidoʾ →scoge ʾE dunadonan di cuido di….ʾ → scoge den e ʾMenuʾ ey → ʾCambia di dunado di cuidoʾ → Scoge eynan e tipo di dunado di cuido cu bo kier cambia (den e caso aki bo ta scoge “Botica”) y manda e peticion aden door di primi e boton ‘manda’).
2. Sea bo ta scoge pa haci bo peticion via nos website azv.aw , bay den nos home-page (den e balki fuchsia) seccion “Formulario” y scoge pa e Formulario di Cambio. Yena tur pregunta y corda primi boton ‘manda’.
3. Of bo ta yena y firma e formulario di cambio di botica na e botica di bo interes. E ora bo botica nobo mes lo manda e formulario pa nos. Despues cu nos di AZV ricibi e formulario nos ta procesa e cambio y lo bo wak esaki den bo AZV app.

• Den bo AZV app, bo por wak bou di e Menu → Dunadonan di cuido di…ʾxxxʾ (scoge pa bo nomber y djey lo bo haya e nomber di bo dokter di cas).
• Tambe bo por haya su nomber, number di telefon y tin ora su emailadres den bo AZV app bou di Menu -> Dunadonan di cuido.
• Riba e website aki den e bloke “Instancianan medico” scoge pa e lista di dokter di cas.
• Opcional bo por informa cerca bo dokter di cas si nan mes tin un website of pagina riba social media unda bo por haya informacion.

Bo tin derecho riba examen di wowo si tin indicacion medico pa esaki. E prome caminda pa bay ta na bo dokter di cas. Cerca su persona bo ta consulta bo sintomanan y a base di esey bo dokter di cas lo referi bo na un optometrista of specialista di wowo. E test di wowo cerca un optometrista ta wordo cubri door di AZV. Den caso cu bo a haya un referencia pa un specialista di wowo; e consulta incluyendo e testnan cu e specialista di wowo prescribi ta wordo cubri door di AZV.

AZV ta cubri solamente e glasnan di e bril den caso cu bo dioptrie ta 10 of mas.

Psicologia no ta regla den e pakete di AZV. Sin embargo, a base di e vision conhuntamente sosteni entre dunadonan di cuido, AZV y gobierno pa lanta un centro integral pa cuido di salud mental na Aruba, Fundacion Salud Mental Aruba, miho conoci como Respaldo, AZV ta cubri e servicionan di salud mental duna via Respaldo. Tambe via e oficinanan di dokter di cas por bin na remarca pa haya ayudo pa cuido di salud mental pa medio di e praktijkondersteuners huisartsen specialisa riba e area di salud mental (POH-GGZ).

• Cuido di dokter di cas.
• Cuido di specialista.
• Remedinan (segun Lista Positivo).
• Cuido den hospital.
• Medionan auxiliar.
• Cuido Medico den Exterior (cu aprobacion di AZV).
• Cuido di partera.
• Cuido di fisioterapista.
• Cuido di dentista (cobertura limita).
• Sesionnan di logopedia (cierto diagnostico).

• OTC (Productonan of remedinan ʾOver the Counterʾ).
• Suplemento di cuminda y of parecido.
• Un chekeo general preventivo.
• Un keuring pa rijbewijs.
• Un keuring en conexion cu solicitud di trabou.
• Un keuring en conexion cu peticion pa permiso na DIMAS.
• Transplante di organo (cu excepcion di cornea, beenmerg y riñon)
• Tratamento of operacionnan den fase experimental.
• Test DNA pa confirma paternidad.
• Declaracion di morto.

Den caso cu bo persona a pone e ID corecto y no por drenta e AZV app, tuma contacto cu [email protected]

Asina cu bo purba yena bo pincode 5 biaha y esaki no tabata esun corecto; e sistema mes ta duna bo e oportunidad di reestablece (reset) e pincode di nobo. Den caso cu no logra, e ora por tuma contacto cu nos na [email protected]. Of bo por pasa personalmente na nos oficina na Rumbastraat 21 y nos lo yuda bo.

Tuma contacto cu nos na 5279900 of email nos na [email protected]

Mayornan por añadi nan yiunan menor di edad via e AZV app door di:

1. Bay den e Menu → Dunadonan di cuido →Añadi account nobo. Kinan bo ta yena e informacion di bo yiu/nan (bo ta yena e number di AZV, su dokter di cas y e ultimo dos cifra di e number di cedula di e yiu cual number aki bo ta haya riba un papel di Censo di 5 florin. Pues no preocupa si ta un papel di Censo bieu bo tin warda, esaki mes lo bo por uza paso lo bo haya e number aki riba e papel (extracto) menciona) OF
2. Cu un QR code cu bo por pidi via [email protected]
3. Si ta desea di añadi yiu (nan) mayor di edad of un familiar cu ta mayor di edad, bo ta acerca AZV via di [email protected] pa bira “verified user” y asina bo lo por añadu e persona den bo AZV app.

Tuma contacto cu nos via [email protected] Of por yama nos na 5279900. Tambe bo lo por pasa personalmente na nos oficina na Rumbastraat 21 pa nos yuda bo. Nos ta habri di dialuna pa diabierna di 7:30am pa 4:00pm.

Pa privacidad di bo datonan medico personal.