Extrae nomber for di AZV

Ora bo extrae (schrijf uit, cancela) for di Censo di Aruba, automaticamente nos ta haya e informacion aki for di Censo pa motibo cu nos ta traha hunto cu Censo.

A base di e informacion di Censo, nos ta cera bo seguro AZV. E ta importante pa corda cu AZV ta valido na Aruba so! Ora bo bay biba den exterior e ta bon pa bo informa tocante seguro medico aya.

Ta regresa Aruba

Si algun dia bo dicidi di bin biba bek na Aruba, e ora ta importante pa bo corda di inscribi bek na Censo y na AZV.

Studiante cu ta bay Hulanda

E personanan cu ta bay studia na Hulanda cu Aruba lening no tin nodi haci nada pa schrijf uit na AZV. Nos ta coopera tur aña cu Departamento di Enseñansa pa haci e proceso mas facil posibel pa studiante.

Ora di salida:

  • Cancela (schrijf uit) for di Censo.
  • A base di e informacion ey ricibi, AZV ta cancela bo seguro y ta uza e fecha di salida (di bo ticket di avion) a base di e datonan ricibi di Departamento di Enseñansa.
  • Den caso cu bo tin un ZorgPas (e caarchi di plastic), bo ta entrega esaki na oficina di AZV den e postbus cora na Rumbastraat 21.
  • Bo digi-ZorgPas ta haya e fecha di validez te cu fecha di bo biahe (segun bo ticket di biahe).

Ora cu bo biahe pa Hulanda no bay door mas

Den caso cu bo a schrijf uit for di Censo, pero despues bo plannan di estudio a cambia pa cualkier motibo y bo no ta bay mas, percura pa inscribi bek na AZV.

Dia di regreso

Dia cu bo regresa Aruba, lo bo mester pasa Censo pa inscribi bek. Tambe na AZV bo mester wordo inscribi di nobo. Haci esaki mas lihe cu ta posibel despues di bo inscripcion na Censo. Bo digi-ZorgPas ta wordo activa bek manera bo caba di inscribi bek cerca nos.

Studiante cu bay studia den otro pais

Tur otro persona cu bay studia den otro pais y cu no ta via un Arubalening, tin cu cancela for di Censo prome. Automaticamente nos ta ricibi e informacion ey. Den caso cu bo ta biaha algun dia despues di a cancela na Censo, bo persona ta email nos na klantenservice@uoazv.aw un scan di bo ticket di biahe y nos lo mantene bo seguro AZV te cu e dia di bo biahe. Pa medio di e digi-ZorgPas bo ta segura te cu e dia ey.

Scroll To Top

Algemene Ziektekosten Verzekering