Departamento di Servicio na Cliente cu ningun cliente presente: con?
Era digital pa cliente
E terminologia era digital a wordo uza pa hopi aña, decadas hasta. Desaroyonan mundial recien ta sigura nos cu nos no ta papia mas di biba den un era digital, pero nos ta sambuya den dje, dje, tin ora hasta ora nos no kier.
E desaroyonan aki obviamente no a pasa AZV conke. Nos a desaroya y implementa formanan nobo pa traha. Unda na Januari nos lo no por a pensa cu lo yuda cliente for di un distancia, ya na April esaki tabata un Diamars normal.
Cambionan
E razonnan pa cambio tin obviamente nan rais den e medidanan cu mester a tuma debi na e pandemia. E prome ola no a causa mucho daño pero asina mes AZV a tuma tur precaucion y a percura pa e cliente por wordo yuda for di distancia unda no tabata tin nodi pone pia den oficina. Un razon obvio ta cu e riesgo pa contagio ta keda y pa e motibo ey AZV a scoge pa sigui brinda e servicionan online. Hasta ora a habri e frontera di Aruba bek, AZV a keda ofrece servicionan online. Kier minimalisa e riesgo di contagio, tanto pa e cliente como e team di AZV.
Termino largo
Den termino largo, nos ta pensa cu e desaroyo di servicionan digitalisa ta ofrece hopi mas flexibilidad na e clientenan. Awor e cliente no ta mara na un localidad so…awor e por ricibi servicio for di e comodidad di su cas of for di unda cu e cliente ta desea. Tampoco e cliente ta mara na e uzo di telefon so, ya cu AZV ta ofrece servicio via email, social media y su website. Loke sigur no a cambia y nunca lo cambia ta e compromiso di AZV pa continua cu mehoracion di su servicionan na cliente.
