Alcohol, droga, humamento y video gaming durante Covid-19

September 30, 2019

Door de FADA

Aruba y mundo completo ta pasando den un situacion duro, diferente y dificil. Un virus a tuma control y haci un cambio grandi den nos comunidad y full mundo. Nos rutina diario a haya un cambio completo. Cu e cambio aki e ta trece hopi inkietud, preocupacion cu perdida di trabou, no tin un entrada financiero fiho, nos muchanan cu no por ta na scol mane nan ta custuma y unda cu mayor mester tuma parti di e rol di maestro na un un forma cu no ta e custumber. Un otro factor cu ta hunga un rol den e situacion cu nos ta actual ta insiguridad y stress. Ora un persona no ta mira un solucion y no sa con pa bay om cu un situacion e por bay over na uzo di un substancia sea ta legal of ilegal. Miyones di persona ta buscando actividadnan amigabel pa por entretene nan mes y alabes tene comunicacion cu otro den e temporada aki. Un plataforma cu ta wordo uza hopi actualmente ta internet y videogaming. Personanan cu ta haci uzo di un tipo di substancia ilegal por ta mas vulnerabel pa haya covid-19. Uzo di droga/alcohol riba su mes ya caba tin diferente daño cu esaki por trece cune: algun ehempel ta;

Segun investigacionnan haci pa World Health Organisation, humamento ta dañiño pa e sistema inmunologico. Esaki ta reduci e curpa su proteccion natural contra infeccion, manera corona virus.

Pa e motibo ey, un humado ta core un riesgo grandi pa:

Na mei 2019 World Health Organization a constata e adiccion na video gaming como un mental health disorder. Video Gaming y diferente aplicacion riba internet ta un escape di e realidad unda personanan ta pasa oranan largo ta “binge watch” un serie riba por ehempel Netflix, hobennan ta pasa oranan largo riba video gaming por ehempel Fortnite, muchanan ta pasa un gran cantidad di tempo riba youtube, etc, etc pa asina lubida pa un momento di tur loke nos ta bibando awor aki. Esaki ta unda e peliger ta cuminsa. E peliger aki yama adiccion! Adiccion na e droga moderno.

Esaki ta e momento pa nos haci uzo di internet y video gaming den un forma positivo, educativo y creativo. Pone orario vast pa tempo liber unda cu e muchanan por scoge, entre otro hunga video gaming of wak un episode riba Netflix of You tube of uza otro plataforma social. Asina nos por limita e ora cu nos ta pasa riba video gaming of internet. Asina no solamente nos ta preveni di wordo contagia cu COVID-19 door di mantene distancia social pero tambe nos ta preveni cu despues cu tur cos normalisa nos bira adicto na e droga moderno. Adicto na video gaming y internet. Importante pa den e momento aki nos comunica cu famia y/of amistad ora cu ta sinti stress of insigur. Busca yudansa pa por duna guia riba diferente topico cu por ta alcohol, droga, humamento of videogaming.

Pa informacion riba e tema di droga of otro tipo di adiccion por tuma contact cu F.A.D.A. riba nos pagina di Facebook cu ta FADA Aruba of por yama nos libremente na 583-2999 of por mandanos un whatsapp riba 564-4516. Preveni ta miho cu lamenta.

Scroll To Top

Algemene Ziektekosten Verzekering