Kico haci awor › Introduccion

Cada un di nos sa sinti algo di bes en cuando. No hopi ocasion nos ta bay nos dokter di cas, pero tin biaha nos ta ripara cu e molester ta paso di su mes. Hopi biaha nos ta ripara cu remedi di cas tambe ta yuda; sigui instruccion di nos grandinan nunca no ta di mas.

 

Ora di dolor di garganta por hor cu e awa di e raiz di seida. Ora di griep cu hopi slijm ta recomenda pa bebe stropi di calbas, sin tin nodo di bebe remedi cu tin efecto secundario riba nos. Asina por menciona un cantidad di situacion den cua nos por aplica cuido propio.

 

Den e buki aki hende profesional ta splica problema medico cu ta surgi na hopi ocasion. E buki aki ta duna na cada persona cu les'e informacion obhetivo y critico.

Asina ey lo bo por dicidi ora bo ta para dilanti di un problema medico, si bo mester yama bo dokter di cas of no. Den hopi caso ta resulta cu nos mes por yuda nos mes. Pesey ta importante pa para keto y analisa e situacion

prome cu tuma un decision.

 

E buki aki merece un luga banda di bo buki di telefon of den lachi di bo mesita di nochi, pasobra e unico motibo pa no us'e ta ora di un emergencia.

 

Un griep ta dura 7 dia y si bo consulta dokter, e ta dura un siman. Awo, kico lo bo haci?

  

E idea pa e publicacion aki a nace for di e idea "Wat doe ik, ga ik naar de huisarts?" di e cas editorial Ketting Partners BV na Rotterdam. A traduci e buki na Papiamento specialmente pa pueblo di Aruba y a adapt'e na nos propio situacion.

 

E siguiente personanan y/of instancianan a traha conhuntamente pa crea e buki aki pa cada hogar Arubiano:

Dr.J. Samuels, Dr.J. van der Linden, Dr. B. Heinze y Dr. G. Croes

 

Grupo di colaborado:

Dr. P. Ho-Kang-You, Sra. A. Mercalina-Dongen y Sra. de Palm (Hospital Dr. Horacio E. Oduber)

Sra. M. Eerdmans y Sra. N. van Gulick-Swaen (Servicio Social Sikiatrico/SPD)

Dr. R.van der Wal (Servicio di Salud den Empresa/BGD)

Sr. R. Franken MSc. (Laboratorio Nacional/Landslaboratorium)

Sra. S. Kooiman y Sra. L. Mercera (Servicio di Malesa Contagioso/DBZ)

Sra. C. Boekhoudt (Seccion Epidemiologia y Investigacion/Epidemiologie en Onderzoek)

Dr. W. Cheng (Seccion Servicio di Salud di Mucha/JGZ)

Sr. G. Goeloe (Fundacion Cruz Blanco cu Geel/Wit Gele Kruis)

Sra. W. Vrolijk (Studiante Practicante di I.P.A.)

Sra. C. Muller y Sra. A. van den Berg (Seccion di Informacion)


 

 

Dokter na warda
Pabow di brug Telefon: 527 4580HuisartsenpostOranjestad583-4200 Pariba di brug Telefon: 524 8833 Centro MedicoSan Nicolas584-4000
Botica na warda
Pabow di brug Pariba di brug
Back to top